კომპანიის ხედვა

კომპანია "ტეგ ლიფტის" პოლიტიკა დაარსებიდან, 2007 წლიდან დღემდე, არის მაღალი ხარისხის პროდუქციის მწარმოებლებთან მუშაობა და მსოფლიოში ცნობილი ბრენდების მიერ შემუშავებული მიდგომებითა და სტანდარტებით ოპერირება პროექტის გეგმარებითი სტადიიდან, საბოლოო მონტაჟისა და შემდგომი ტექნიკური მომსახურების პერიოდში.

კომპანიის მიზანი

"ტეგ ლიფტის" მიზანია ლიფტების, ესკალატორების და ამწე სატრანსპორტო საშუალებების სფეროში საქართველოს ბაზარზე ლიდერობა, ინოვაციების მოძიება და დანერგვა. კომპანიის მენეჯმენტისთვის პრიორიტეტულია მუდმივი განვითარების გზით წინსვლა, პერსონალის კვალიფიკაციის მუდმივი ამაღლება, დამკვეთებისათვის მომსახურების მათზე მორგებული პაკეტების შეთავაზება და არსებული მრავალწლიანი გამოცდილების ოპტიმალურად გამოყენება.

კომპანიის საქმიანობა

• კონსულტაცია; 
  
  
• დამკვეთის საჭიროებებზე მორგებული ლიფტებისა და ესკალატორების პროექტირება; 
  
  
• ტექნიკური გადაწყვეტების შემუშავება; 
  
  
• დანადგარების მიწოდება-მონტაჟი; 
  
  
• 24/7 ტექნიკური მომსახურება; 
  
  
• თანამედროვე ტექნიკური მოთხოვნების გათვალისწინებით ლიფტების განახლება-მოდერნიზება;

კომპანიის პოლიტიკა

"ტეგ ლიფტის" ოპერირებს ISO მენეჯმენტის ხარისხის სტანდარტის მიხედვით. კომპანია ფლობს ევროპარლამენტისა და ევროსაბჭოს მიერ დადგენილი ნორმით ლიფტის მონტაჟისა და მომსახურების შესაბამისობის “MODULE H1” სერტიფიკატს, ხოლო ლიფტის წარმოდგენილ მოდელებს აქვს EC Type Examination Certificate გაცემული ევროპული ნოტიფიცირებული ორგანოს მიერ. პროდუქციის სამონტაჟო სამუშაოები სრულდება ევროპული EN სტანდარტიზაციით რომელიც ითვალისწინებს EN 81-1/2+A3; EN81-50 სტანდარტებსა და 2014/33/EU დირექტივას.

თანამშრომლები

კომპანია "ტეგ ლიფტის" მაღალკვალიფიციური თანამშრომლები მუდმივად გადიან გადამზადების კურსს, რათა მათი კვალიფიკაცია ყოველთვის შესაბამისობაში იყოს თანამედროვეობასთან. გუნდის 50-მდე თანამშრომელი ორიენტირებულია დამკვეთისათვის მათ კომფორტზე მორგებული სერვისების მიწოდებაზე. "ტეგ ლიფტის" გამოცდილი საინჟინრო გუნდი უზრუნველყოფს თითოეული პროექტის მაღალი საინჟინრო სტანდარტით შესრულებას.