БАССЕЙНЫ - ПРОЕКТИРОВАНИЕ, СТРОИТЕЛЬСТВО, Тбилиси

საცურაო აუზების ყველაზე პოპულარული სახეობებია: სკიმერული და გადადინებითი; სკიმერულ აუზში წყლის დონესა და აუზის ბორტის დონეს შორის სხვაობაა საშუალოდ 10 სმ., წყლის გადადინება ხდება სპეციალურ მოწყობილობაში, სკიმერში, რომელიც დაკავშირებულია წყლის ფილტრთან, შემდეგ გაფილტრული წყალი ბრუნდება უკან, აუზში. სკიმერული ტიპის საცურაო აუზებს ძირითადად აწყობენ კერძო სახლებში;

გადადინებით აუზში წყლის დონე აუზის ბორტის დონეზეა. წყლის გადადინება ხდება აუზის გარშემო მოწყობილ სპეციალურ ღარში. გადადინებითი ტიპის საცურაო აუზებს ძირითადად აწყობენ კომერციულ და სპორტულ ობიექტებში;

აუზის მთავარი ნაწილი, აუზის თასი შეიძლება იყოს როგორც ბეტონის, ასევე უკვე გამზადებული უჟანგავი ლითონის, ბოჭკოვანი მინის (მინაბოჭკოვანი), პოლიპროპილენის.

საცურაო აუზის მშენებლობის ეტაპები ბეტონის საცურაო აუზებისთვის (სხვა ტიპის, უკვე მზა თასის აუზებს აქვთ მოწყობის განსხვავებული ეტაპები):
1. პროექტირება: საცურაო აუზის ფართობისა და მოცულობის განსაზღვრა, გრუნტის მდგომარეობის დადგენა, აუზის ტიპის არჩევა;
2. მიწის სამუშაოები: ქვაბულის ამოღება შესაძლებელია მოხდეს ხელით ან სპეც.ტექნიკის გამოყენებით, აუზის ზომის, სიღრმის, გრუნტის ტიპის გათვალისწინებით;
3. საძირკვლის მომზადება;
4. აუზის ყალიბის მოწყობა, არმირება: იმისათვის რომ აუზი იყოს მყარი და გაუძლოს რამდენიმე ტონა წყლის წონას, საჭიროა შიდა არმატურის სისტემის მოწყობა;
5. ბეტონირება;
6. საიზოლაციო სამუშაოები;
7. მოპირკეთება: მოსაპირკეთებლად შეიძლება გამოყენებულ იქნას: კერამიკული ფილა, მოზაიკა, პვქ ფირი, წყალგამძლე საღებავი აუზებისთვის;
8. მოწყობილობების მონტაჟი: საცურაო აუზებისთვის აუცილებელი მოწყობილობებია: წყლის ტუმბო, წყლის ფილტრაციის სისტემა, აქსესუარები აუზის დეზინფექციისთვის და წმენდისთვის; გარდა ამისა სურვილისამებრ შეგიძლიათ დამატებით დაამონტაჟოთ აუზის წყლის გათბობა, აუზის განათება და აუზის გადახურვის სისტემა.
9. აუზის წყლით შევსება და ტესტირება;

აუზების ფასების და სხვა დამატებითი ინფორმაციის დასადგენად შეგიძლიათ დაუკავშირდეთ ქვემოთ ჩამოთვლილ კომპანიებს.