მზის ელექტროსადგურის მოწყობისთვის საჭიროა:
1. მზის პანელები.
2. აკუმულატორი - აგროვებს მზის პანელების გამომუშავებულ ენერგიას შემდგომი გამოყენებისთვის.
3. დამუხტვის კონტროლერი - აკავშირებს მზის პანელს აკუმულატორთან. აკონტროლებს აკუმულატორის დამუხტვის პროცესს და იცავს აკუმულატორს გადატვირთვისგან.
4. ინვერტორი - მუდმივ დენს (12ვ/24ვ/48ვ) გარდაქმნის ცვლად დენად (220ვ.). აუცილებელია საყოფაცხოვრებო ელექტროტექნიკის მზის ენერგიაზე მუშაობისთვის.
ინვერტორი შეიძლება იყოს:
ავტონომიური (off-grid): 12ვ/24ვ/48ვ-ის 220ვ-ზე გადამყვანი; გამოიყენება სრულად ავტონომიურ სისტემებში: უერთდება აკუმულატორს და არ უერთდება ელექტროქსელს.
ჰიბრიდული (Hybrid): კონტროლერი და ინვერტორი ერთად; უერთდება როგორც აკუმულატორს, ასევე ელექტროქსელს; მზის პანელების მიერ ზედმეტად გამომუშავებულ ელექტროენერგიას ინახავს აკუმულატორში, რაც უზრუნველყოფს ელექტროენერგიის უწყვეტ მიწოდებას, მაშინაც კი, როდესაც პანელების მიერ არ ხდება ელექტროენერგიის გამომუშავება. თუ აკუმულატორი დამჯდარია და ამასთან ვერ იღებს ენერგიას მზის პანელებისგან, ამ შემთხვევაში ენერგიის მიღება შეუძლია ელექტროქსელიდან.
ქსელური (on-grid): ჰიბრიდულის მსგავსი, მუშაობს აკუმულატორის გარეშე; გამომუშავებული ელექტროენერგია გარდაიქმნება 220ვ. და პირდაპირ მიეწოდება ქსელს; ხოლო გამოუყენებელი ელექტროენერგიის გაყიდვა და განაწილება სხვა მომხმარებლებზე ხდება მაგისტრალური ქსელით;
Tbilisi.
NADZALADEVI,
7b Ts. Dadiani St.
facebook